Santiago Domínguez, do Club de Iniciativas Deportivas Universitarias (CIDU) da Coruña foi o vencedor do IV Torneo de Semirrápidas do Club Ludo. Santiago empatou a puntos co xogador do Recatelo lugués Alfredo López.

Ambos xogadores obtiveron catro dos cinco puntos posibles. O trío de cabeza quedou completado por outro xogador do recatelo, se ben este natural da Coruña; José Ramón Gómez.

A proba disputada no Sporting Club Casino dende o pasado martes pechou as actividades por este ano, cos clubs pendentes do inicio da liga no mes de xaneiro.

O Torneo foi completado co VI Torneo de Rápidas, no que as partidas disputaronse a cinco minutos por xogador, e que tivo como vencedor ao xogador de Alexandre Bóveda José Sande.

A información completa pode verse no web de agax. www.agax.org