Galicia/Galiza
Galicia

III Torneo de Entroido

Lugo

Centro Sociocultural Uxío Novoneyra WEB

Sábado 25 de febreiro de 2006

Xadrez Xigante
xadrez xigante na Praza Maior de Lugo. Foto de Arquivo

Informa: Pablo Castro
(Pte. Asociación Almenilla, Escola Luguesa de Xadrez)

III Torneo de Xadrez do Entroido: Subir

O III Torneo de Xadrez do Entroido celébrase o sábado 25 de febreiro. O prazo de inscrición remata o venres A Concellería de Educación e a Escola Luguesa de Xadrez, que dirixe a Asociación Almenilla, organizan a terceira edición do Torneo Entroido de Xadrez, que se celebrará o sábado dentro do ciclo Camiño do Scacorum, que comtempla a programación de xadrez para todo o ano e que pode consultarse na web municipal www.lugo.es.

O torneo celebrarase no Centro Sociocultural Uxío Novoneyra dende as once ata a unha, pola mañá, e de cinco a sete, pola tarde. A participación é totalmente de balde, e pódese realizar chamando ao 650 434 114 ou enviando un email a castruper@yahoo.es.

O prazo para anotarse remata o día 24 de febreiro. Haberá cinco categorías:

Menores de 10 anos
Menores de 12 anos
Menores de 14 anos
Menores de 18 anos
Familiares ou acompañantes dalgún participante

Os organizadores repartirán trofeos e medallas entre os mellores clasificados e todos os participantes terán un agasallo.

Ademáis, os campións/as sub 10 e sub 12 gañarán a praza para participar nos campionatos galegos das súas categorías.

Domingos de Xadrez:

Por outra banda, continúan, dentro da programación os Domingos de Xadrez, organizados pola Asociación Almenilla en colaboración coa Concellería de Educación, e que consisten na celebración dunha xornada de xadrez todos os domingos na praza Maior.

Pódese xogar tanto no xadrez xigante coma nos convencionais e disfrutar, en xeral, de partidas para todos os niveis, que estarán supervisadas por dous monitores.

Paralelamente a esta actividade, a biblioteca itinerante da Concellería de Educación ubicarase ás mesmas horas e no mesmo lugar onde se celebren as partidas para o goce dos rapaces.

Se fai mal tempo as actividades terán lugar nos soportais da praza Maior e só se suspenderán en casos de choiva torrencial.

A actividade de xadrez está tendo unha gran acollida por parte da poboación lucense de todas as idades polo que o programa se está a ampliar este ano. Así mesmo, durante o resto do ano continuarán cos torneos, como o de "Semana Santa", ademáis da liguilla Intercentros e a Festa do Axedrez, ao final do curso.

Por suposto, seguen a celebrarse as actividades de xadrez nos centros educativos públicos durante todo o curso escolar como actividade extraescolar e as clases de perfeccionamento na escola de xadrez.

 

TablaDeFlandes